ပြိုင်ဘက်ရဲ့ချက်အောက်ကို
တိုက်ခိုင်ပြီးအနိုင်ယူတတ်တဲ့
အားကစားသမား
ဘယ်လိုစိန်ခေါ်ပွဲကြိုးဝိုင်းကများ
လက်ခံကစားနိုင်မှာလဲ။
စည်းကမ်းတွေကိုချိုးဖောက်လို့
ကြိုးဝိုင်းအပြင်ရောက်သွားတဲ့
မိုင်တိုင်စန်တစ်ယောက်ကို
အားကျလေသလား
ငါ့နှလုံးသားကိုမေးမိပါရဲ့။
တိကျတဲ့အဖြေက
နှလုံးသားကတဆင့်
ဦးနှောက်ကိုသတိပေးလိုက်တယ်
ရယူပိုင်ဆိုင်လိုစိတ်တဲ့
ရွေတံဆိပ်ဆုနဲ့လွဲမှာစိုးလို့
မတော်တဆဟန်ချက်တွေကို
အကြိမ်ကြိမ်အခါခါအသုံးချ
တိုက်ခိုက်ခဲ့သမျှရလဒ်က
ဒီမှာတင်တခန်းရပ်လိုက်ပါစို့လား။
ပတ်သက်ခဲ့သမျှကိုအဖြေရှာ
သေချာတာတစ်ခုကတော့
ကောက်ချက်လွဲမှားခဲ့တဲ့နှလုံးသား
ဝန်ချတောင်းပန်ဖို့
အကြိမ်ကြိမ်ကြိုးစားခဲ့တယ်။
သူ့အနားကိုအရောက်သွား
သူဆိုနေတဲ့တေးသွားက
"NO"အဖွဲ့ဆီကငှားထားတဲ့
မင်းအတွက်နဲ့ငါ့ရင်မှာ
နေရာလုံးဝမရှိတော့ပါ........တဲ့။
No comments:
Post a Comment